مصاريف هندسة الشروق لعام2017 ولعام 2018 ومواد اعدادي هندسة وتقسيمات المواد والدرجات ونصائح والسكن والمواصلات

تهدى إدارة المعهد العالى للهندسة أطيب التحيات لطلاب الثانوية العامة الراغبين فى التحاق بالمعهد للعام الجامعى 2018/2017 وتعلن عن الآتى.تم اضافة تعديلات خاصة بالطلاب

1- المعهد العالى للهندسة بالشروق معهد خاص بمصروفات خاضع لإشراف وزارة التعليم العالى .


2- التقديم للمعهد من خلال مكتب التنسيق والقبول بالجامعات والمعاهد الخاصة ويحمل المعهد طابع تنسيق رقم 365/6.


3- الدراسة بالمعهد معادلة من المجلس الأعلى للجامعات المصرية ويحصل الخريج فور التخرج على كارنية نقابة المهندسين.

4- الأقسام الهندسية بالمعهد هى  (الهندسة الاتصالات - الهندسة الطبية والمنظومات الحيوية - الهندسة المعمارية -الهندسة الكيمياء - هندسة القوى والآلات الكهربائية - الهندسة المدنية ).


5- المصروفات الدراسية للعام الجامعى 2018/2017  يدفع منها الطالب 60% من المصروفات الترم الاول و 40 % من المصروفات الترم الثاني ومصروفات السنة كاملة كالاتي

  • 17039جنيها مصرى للهندسة .
  • 8192 لشعبة علوم الحاسب 
  • 7469 لشعبة نظم المعلومات 
  • 6036 جنية مصري لشعبة ادارة ومحاسبة 
  • 18014 جنية مصري للاعلام 
مصاريف هندسة الشروق لعام2017 ولعام 2018 ومواد اعدادي هندسة وتقسيمات المواد والدرجات ونصائح والسكن والمواصلات
مصروفات اكاديمية الشروق 2018


    6- المصروفات الدراسية اكاديمية الشروق للعام الجامعى 2019/2018  يدفع منها الطالب 60% من المصروفات الترم الاول و 40 % من المصروفات الترم الثاني ومصروفات السنة كاملة كالاتي
    • 18539جنيها مصرى للهندسة 
    • 8983 لشعبة علوم الحاسب 
    • 8187 لشعبة نظم المعلومات 
    • 6324 جنية مصري لشعبة ادارة ومحاسبة 
    • 19514 جنية مصري للاعلام 

    7- الحد الادنى لهندسة الشروق لعام 2018 هو 84% نظرا لقرا التوزيع الجغرافي علي المعاهد الخاصة فقد انخفض الحد الادني لاول مرة لهذا الرقم ولكن ارتفع مرة اخري بعد قرار الغاء التوزيع الجغرافي علي المعاهد الهندسية

    مواد اعدادي هندسة الشروق الترم الاول


    1-رياضيات1 (التفاضل)














    محتويات المقرر : الدوال ، محصلة الدوال ، معكوس الدوال ، النهايات ، الاشتقاق ، مشتقة ( الدوال المثلثية ، الدوال المثلثية العكسية، الدوال اللوغارتمية ، الدوال الزائدة ، الدوال الزائدة العكسية).التفاضل اللوغارتمي ، البارامتري ، المشتقات ذات الرتب العليا ، التفاضل النوني ، قاعدة ليبيز ، التقريب الخطي ،التقريب التربيعي ، التفاضل ، مفكوك الدوال.
    المراجع الرئيسية :Swokowsky , Calculus With Analytic Geometry
    المادة من 150 درجة الترم في الترم الاول (90 فاينل + 30 ميد ترم في شهر 11 + 30 درجة مقسمة علي كتاب الشيتات و2 كويز واحد قبل الميدترم وواحد بعد الميدترم)
    دكتور المادة :حمدي--- والمعيدين :محمد حسن - اواحمد سمير -اواحمد حسن -اوهدير - او محمد فؤاد
    نصيحة اخيرة : زاكر المادة من محاضرات الدكتور حمدي واكتبها وراه بخط ايدك وحل كتاب الشيتات بنفسك والامتحانات كلها من المحاضرات والامثلة والexecise الي في الكتاب والشيتات وايضا بينزل ورق مراجعة وقت الامتحانات مهم برضو فيه الخلاصة - التفاضل مادة مهمه جدا هتحتاجها في اقسام زي كهربا باور واتصالات وفيه مواد مبينية علي التفاضل ومش هتفهمها الا لو كنت كويس في التفاصل

    2-ميكانيكا1 (الاستاتيكا)

    محتويات المقرر : جبر المتجهات ، الطرق التحليلية والبيانية في : إختزال نظم القوي المختلفة (الملتقة والمتفرقة) في بعدين ، عمليات القوي في بعدين ، تكافؤ منظومات القوي ، وإتزان الجسيم المتماسك ، اتزان النظم المثالية :مجموعات الجسيمات ومجموعات الأجسام المتماسكة وتطبيقاتها في الشبكات والهياكل والتركيبات الألية ، الاحتكاك الجاف : الانزلاق ، الانقلاب ، تطبيقات علي النظم الميكانيكية الواقعية.
    المراجع الرئيسية: Hibbeler .Engineering Mechanics , R.C
    المادة من 150 درجة في الترم الاول (90 فاينل +30 ميد ترم + 30 اعمال سنة)
    دكتور المادة :سرحان عطوة في المحاضرة ----معيدين السكاشن هما نفس معيدن الرياضة
    نصيحة : المادة هتزاكرها من المحاضر والسكشن والامثلة المحلولة في الكتاب وتحل المسائل الي بيطلبها الدكتور بنفسك وكتاب الشيتات ايضا ولو عاوز حل مسائل كتاب الشيتات دور في المرجع هتلاقي المسائل دي محلولة فيه او اسال المعيد - وركز عليها علشان هتحتاجها في الديناميكا او في مادة الماشين في اولي اتصالات او اولي باور
    ابحث علي اليوتيوب عن اي محاضرة مش فاهمها الشروحات كتير عليه

    3- فيزياء 1


    محتويات المقرر:
    خواص المادة: الوحدات والابعاد الطبيعية – الجاذبية – الإجهاد والإنفعال ومعامل ينج-التوترالسطحى واللزوجة
    للسوائل- تطبيقات هندسية
    الحرارة والديناميكا الحرارية: التمدد الحرارى – التوصيل الحرارى – نظرية الحركة فى الغازات – قانون الغاز المثالى
    - مقدمة الى الديناميكا الحرارية ( القانون الاول والثانى للديناميكا الحرارية –الانظمة الايزوثيرمل-التغير الاديابتيكى
    للغازات) تطبيقات هندسية


    المراجع الرئيسية :D.Halliday , Fundamental of Physics


    المادة من 100 الترم الاول (40 فاينل + 30 اعمال سنة والميدترم + 30 امتحان العملي وكتاب التجارب

    دكتور المادة : دكتور عبدالمنعم -- المعيدين : منة اللة - المحلاوي - خالد رمضان - سامح
    نصيحة : انت لو اعتمدت انك هتفهم من المحاضرة بس هتكون غلطان ولو فاكر ان هندسة فهم بس برضو غلطان وكمية الحفظ اكتر من الفهم في المادة دي بالذات زاكر من الكتاب المحاضرات مش كفاية ومزكرة المعيدين الي بينزلوها في مكتبة كولكشن ( مكتبة في اكاديمة الشروق ) والدكتور عبدالمنعم بيحب تزود في الاجابة يعني لو طلب التعريف اكتب التعريف ووحدة القياس وال unit والقانون واهتم بيها كويس لو عاوز تدخل باور او اتصالات


    4-رسم هندسي وأسقاط


    محتويات المقررإستخدام أدوات الرسم – التكوين الهندسى – الاسقاط العمودى وتمثيل النقطة – تمثيل الخط المستقيم – تمثيل المستوى – إسقاطات المجسمات البسيطة – مسائل وتمارين تطبيقية على الموضوع فى صالات الرسم لمدة3ساعاتأسبوعياً .
    المراجع الرئيسية: الرسم الهندسي ، أوتو شميدت (مترجم) - الهندسة الوصفية ، محمد الرقباوي
    المادة من 100
    دكتور المادة :ايهاب صلاح في المحاضرة بيشرح الوصفية فقط والمعيدين في صالات الرسم بيشرحو الرسم الهندسي
    نصيحة من اخ كبير ليك ارسم اللوح الي مطلوبة منك اول باول وارسم بايدك كتير حتي لو هترسم اللوحة مرتين او تلاته ده افضل ليك اللوحة الوحدة اما بترسمها في البيت في الاول ممكن تاخد منك في حدود 4 او 5 ساعات بعد كده 3 وبعدين 2 وبعد متتعود بتوصل لساعة واحدة او اقل وخلي معملتك حلوة مع جميع المعيدين 5- كيمياء

    بيكون ليها معمل ومحاضرة وفي كل واحدة بيتشرح شي مختلف دكتور المادة :حسام الدسوقي وهوا الي بيشرح في المحاضرة واشهر فصل الدكتور بيدرسه في الكيميا cement وهتسمع الكلمه دي كتير منه بورتلاند سيمنت واول ما بيدخل المحاضرة مفيش حد بيدخل بعده ,واوعي تنسي البلطو في المعمل عليه درجات اعمال سنه وبنعمل كل مره تجربة







    6- تكنولوجيا انتاج والورشة


    محتويات المقرر:المواد الهندسة - تكوين المواد وخصائصها . طرق تشكيل المعادن : السباكة ، الحدادة - الدرفلة ، السحب ، البثق ،الرحو .طرق وصل المشغولات : الوصل بمساميرالبرشام ، الوصل باللحام . طرق التشغيل : التشغيل اليدوي ، التشغيل الآلي المخرطة ، المكشطة ، المثاقب ) . طرق القياس : قياس الأبعاد والزوايا - المواصفات الهندسية - الدورة الإنتاجية .
    المراجع الرئيسية: مقدمة في تكنولوجيا الإنتاج ، محمد سالم الصباغ
    دكتور المادة :مصطفي المهندس
    المادة من 100 درجة ( 40 فاينل +30 اعمال سنة وميد ترم +30 الورشة وعملي الورشة والمشروع )
    المشروع بيكون لقما بحث عن موضوع من المواضيع الي بينزلها الدكتور لطالب فقط او بتعمل اي تطبيق علي الورش الي حضرتها زي مثلا تعمل صندوق او كرسي او او حاجة فريدة زي بعض الطلبة عملت محسمات لمراكب وتصميمات لشعار هندسة الشروق.... 7- اللغة الفنية (التوفل)

    المادة دي بالذات من المواد الشيقة والي هتنفعكم في المستقبل جامد بيدرس المادة دكتور احمد عبد الستار كشك المادة عبارة عن كورس شهادة التوفل وهو احد اختبارات اجادة اللغة الانجليزية وبيحتاجة الطلبة علشان يقدموا علي منح وحجات تانية كتير وبيحتاجة الدكاترة علشان يسجلوا في ماجستير او دكتوراة وبعض الوظائف في الشركة المرموقة بتطلبة والدكتور احمد ضاف السنه الي فاتت 2017 قسم الاستماع وبقي الكرس متكامل وفيه تنافس بين الكلبه انهم يجيبوا درجة عاليه فيه وطلبه الشروق بيمتحنوا في جامعة عين شمس

    8- تاريخ هندسة


    محتويات المقرر : مقدمة عن الهندسة والعلوم الهندسية وعلاقتها بباقي العلوم الطبيعية والإنسانية - الجوانب الإجتماعية والإنسانية للمشروعات الهندسية- الهندسة البيئية أمثلة عن الاعمال التي يقوم بها المهندس ( التصميم - التخطيط - التنفيذ الإدارة) .
    المراجع الرئيسية: علوم البيئة والمدخل الهندسي ، إبراهيم جار العلم راشد
    دكتورة المادة : الفت حمدي
    المادة من 100 درجة ( 70 درجة فاينل +30 درجة اعمال سنة وميدترم )
    المادة معاك الترم الاول فقط مادة منتهيه وهتاخد بدلها الترم التاني مادة من التخصص 9- ICDL


    وفي المادة دي هتدرس التعامل مع برامج الاوفيس word الورد والايكسيل والبور بوينت بالاضافة الي بعض الاشياء الخاصة بمقدمة في الحاسبات زي binarry system و decimal system وبيكون فيه امتحان ميدترم وفاينل وعملي زي اي مادة عادية والي بيدرسها معيدين من قسم اتصالات المعهد العالي لهندسة الشروق مثل بشمهندس عماد والمهندسة نانسي





    مع أطيب التمنيات بالتوفيق لجميع الطلاب سيتم تحديث المنشور في القريب العاجل ببعض المصادر والكوراسات الخاصة باعدادي هندسة ومواد الترم التاني هندسة للانضمام الينا يمكن التواصل من خلا التعليقات او مراسلتنا علي صفحة بريمو هندسة اتصالات علي الفيس بوك

    مقالات ذات صلة :


      السكن الجامعي لطلاب اكاديمية الشروق


      مصاريف هندسة الشروق لعام2017 ولعام 2018 ومواد اعدادي هندسة وتقسيمات المواد والدرجات ونصائح والسكن والمواصلات

      بالنسبة للسكن الجامعي يوجد سكن جامعي لطلاب اكاديمية الشروق غرفة فردية بسرير وبلكونة لكل طالب بجوار الاكاديمية تماما هم وطلاب الجامعة البريطانية في نفس المكان ولها مصاريف ايضا . ونظرا لان السكن الجامعي لا يناسب الجميع نظرا لارتفاع اسعارها مقارنة بالسكن الخارجي ونظرا للالتزامات الخاصة به ,يقوم الطلا بتاجير شقق بمدينةالشروق حيث يسكن في الشقة 4 افراد وده اغلب الشقق بتكون كده والطلبه الي بتكون عاوزه توفر شويه بتسكن 5 افراد او 6 افراد . واسعار الشقق تتراوح في حدود 1800 جنيه وتكون الشقة مفروشه في منطقة الجهاز (في المدن الجديدة يطلق علي مجلس المحلي بجهاز ) اوالسوبر او شارع السنترال او الشبراوي او منطقة الشارع واغلب الطلبة بتسكن في هذه المنطقة نظرا لقربها من عربات السيزوكي التي يركبونها الي اكاديمية الشروق وتكون في حدود 2000 جنيه في منطقة المتميز نظرا لكبر مساحة الشقق بها حيث مساحة الشقق في المتميز في حدود 90 متر اما في الجهاز فتكون 70 متر ويفضل ان تسال احد اكبر منك من علي موقع الفيس بوك او تعرفه ليسهل عليك


      وايضا بعض الطلبة يسكنون في منطقة حجر الاساس او شارع البنك او الميه او السبعين فهذه المناطق تتواجد بها العائلات بكثرة وتقل اسعار الايجارات بها عما يوجد في منطقة الجهاز والمتميز


      ونصيحة اخيرة متسكنش مع اي حد وخلاص. اسكن مع الي هتستريح معاه وهيهون عليك الغربة والدراسة وهيشوف مصلحتك ويزاكر معاك والي هيعينك مش الي هيعمل الشقة فرح او بيشرب سجاير او الي كل شويه بيجيب زميله ويصدعك وميعرفكش تزاكر


      المواصلات لطلاب اكاديمية الشروق (ازاي تروح لاكاديمية الشروق لاول مرة؟)

      انت هتركب من موقف السلام الجديد ( كان فيه موقف اسمه العاشر وفيه كل عربيات مصر واتنقل للسلام الجديد علشان محطة مترو الهيكستب الي بتتعمل هناك ) عربيه اسمها درة (لو اول مرة تروح هي هتكون خارج الموقف قدام بوابة خروج عربيات بنها وقويسنا وطنطا وشبين ) بيكون فيه اتوبيسات او عربيات ميكروباص وطبعا لاخر زيادة في البنزين الاجرة دلوقتي 5جنيه ونص من موقف السلام الجديد لاكاديمية الشروق


      لو انت جاي من اسكندرية او البحيرة او كفر الشيخ او اسوان او الاقصر او قنا او اسيوط او بني سويف او سوهاج اركب القطار لمحطة رمسيس ومن محطة رمسيس هتلاقي عربيات موقف السلام الجديد اركبها 


      فيه في موقف السلام الجديد 3 انواع من المواصلات (ميكروباصات وميني باص واتوبيسات النقل العام) للشروق .عربيات لدرة او اكاديمية الشروق وعربيات واتوبيسات  لخط الشروق 1 وده الي فيه مناطق الجهاز والسوبر والشبراوي والمتميز وشارع البنك . علشان وانت جاي السكن تبقي تركب عربية الشروق 1
      ولو انت ساكن في حجر الاساس او الميه او السبعين اركب عربية الشروق 2 او اتوبيس النقل العام الي رايح بدر من الشروق بوابة الشروق2

      الزوار قرأوا ايضا :

      تشتري من فين الوازم المكتبة وتعمل ابحاث



      فيه مكتبة في مول جنة مول ودي في منطقة الجهاز وفيه مكتبه في منطقة السوبر بجوار محل الجزارة ومحل الشبراوي وتوجد اكثر من 3 مكتبات في منطقة المتميز في شارع البنك مفيش فانت هتركب عربية سوزوكي او تتمشي لاقرب مكتبة وهي الي في جنة مول



      وطبعا بيكونوا ارخص من لو انك اشتريت من الكلية



      اما تيجي بقي تعمل ابحاث ومفيش عندك نت في البيت تعمل ايه ؟ هتروح سيبر من الي موجودين في مول السوبر المكان محترم هتلاقي طلبه برضو قاعدة علي اجهزة وبتعمل ابحاث واطفال صغيرين بيلعبوا وعادي



      لو عملت البحث في البيت او معاك ملف pdfوعاوز تطبعة , انسخة علي فلاشة او علي موبيلك وهتروح لمكتبه الاستاذ اسامه في مول المتميز او المكتبة الي في الدور التالت ودي افضل


      بالنسبة للاكل تعمل ايه بقي


      ممكن تنزل كارفور وتشتري الي انت عاوز وبيبقي فيه خصومات وسعره ارخص من المحلات للناس الي هتلاقي المحلات غاليه وفيه حاجات كتيير تانية . وفيه طبعا الاكلة الي مفيش حد من الطلبه مبيكلهاش علي الاقل مرتين في الاسبوع . هوا اول ما نكون مش عارفين نعمل اكل ايه نروح نجيب كشري او طاجن من عند كشري الدكتور او سندوتشات من عند الشبراوي او اربيتا . انت بقي والناس الي معاك في الشقة شوفوا هتاكلوا مع بعض او كل واحد لوحده


      بالنسبة لمصاريف النت والتليفون والكهربا والمياه والغاز وايجار الشقة





      الشقة: متروحش انت تاجر شقة لوحدك او انت الي تمضي عقد ايجارها والي معاك ميمضوش . المفروض انت والناس الي معاك تروحوا تشوفوا الشقة وتقعدوا مع السمسار وتمضوا العقد ومتاخدوش الكلام منه كده علي طول لفوا معاه علي كذا شقة ولو مش عاجبك شوفوا غيرها , وايجار الشقة انتوا كلوكوا تجمعوه وتدفعوه مقدم . 
      مثلا انا السنادي 2017- 2018 كنت سكنت مع 3 في شقة في الجهاز والشقة كانت صغيره و1800 جنيه وفيه شهر تامين وشهر سمسرة وشهر مقدم وكان فيه كمان 2 عاوزين يسنكوا فانا شوفت شقة في المتميز 3 غرف وصاحبها كان عاوز 2500 اجرتها منه علي 2000 علشان معرفه ومخدش سمسرة وانا مضيت عقدها والناس الي معايا قالوا امضي انت  المهم بقي الناس الي معايا كانت الشقة بالنسبه لهم لقطة وحبوا يشغوا دماغهم احنا عاوزين كارسي زيادة وعاوزين طربيزات لكل واحد والايجار انا بدفعه مقدمه وتلمه منهم بالعافيه علي اخر الشهر وايه الشقة وحشة وايه معرفش ايه متقول صاحب الشقة يجيب سخان كهربا بدل الغاز متخلي صاحب الشقة يدفع النت هوا هيا مش مفروشة وهما اصلا جيين من بيئة مش لاقيه تاكل بس فيه نوعيه تكرمها تتنطط . وبعد ما السنه خلصت احنا عاوزين ناخد الشقة دي السنه الجاية لو انت مش هتاخدها . الناس الي متستريحش معاها متسكنش معاها من اول يوم ومتحاولش تخدم حد ميستاهلش 





      التليفون: خلي السمسار يقدم علي تليفون باسم صاحب الشقة علشان المؤجرين بقوا ممنوعيين يعملوا تليفونات في الشروق علشان بيغيروا اغلبهم الشقة كل سنه وفاتورة التليفون بتتزل كل 3 شهور وخدمة العملاء والموظفين في السنترال محترمين






      النت : شوف هتوصل نت اتصالات او شركة وي (تي داتا سابقا) ولو ركبت اتصالات بتروح كارفور الشروق بالعقد ليهم فرع هناك ولو هتركب وي بيكون من المصرية للاتصالات في سنترال الشروق , وقبل ما تركب شوف الي معاك واتفقوا كلوكوا هتشتركوا علي ايه وخدهم وروحوا كلوكوا  تشتركوا متخليش حد يتناصح , علشان لو رحت انت بص وبعد ما اتفقتوا هتلاقي واحد كل شويه يقولك سرعه النت وحشة وزباله ويكون صاحب السرعه اصلا

      مثلا انا في سنه الي معايا في الشقة طلبوا يركبوا نت وهيكبوا اتصالات علشان تي داتا وحشة وهنركب2 ميجا رحنا الفرع الي في الشروق الموظف اقنعهم ان 2 ميجا هتكون بطئية فغيروا رايهم ل4 ميجا وبعدين ايه هما ناسيين البطايق وانا اعمل الخط النت باسمي . فيه مواقف اطفال هتقابلها حاول تتخلص منها وبعدين عمالين يشتكوا ان السرعه زبالة واني اتصل بالشركة او اروح الفرع علشان الخط باسمي وبعدين اكتشف اني الي بيقول كده عمال يحمل افلام لناس من بره الشقة ومدي الباسوورد لاي حد بيجيبه الشقة وانه اخر اسبوع مستهلك بالموبيل 30 جيجا فلازم بردوا تخلي بالك من النوعيه الي هتكرمه وتوجب معاها وتطلع عيال .ومتدفعش انت النت من معاك وتستني الي معاك يدفع خلي كلوا يلتزم ويدفع وكل مره واحد يروح,





      الكهرباء: اول ما تسكن في شقة شوف قراية العداد علشان في شقق بتكون منسيةوبيجيلها الفاتورة كل فين وفين او فيه شقق بيكون عددها واقف ودي غالبا بتكون في الشقق الي في الدور الاول . 




      الغاز والمياه:  فاتورة المياه بيكون عليها رسوم نظافة ورسم صرف صحي  وبتصدر الفاتورة كل شهرين وفاتورة الغاز كل شهر . وابقي شوف القرايات بردوا وحاول متسكنش مع طلبه من النوعيه دي مثلا انا كان ساكن معايا في نفس السنه بردوا 2018 واحد بياخد دش الصبح وبعد مايجي من الكليه وقبل ما ينام بميه سخنه حتي في الصيف بيستحمي بيمه ساخنه وبيطول في الحمام فصاحب الشقة كان دافع فلوس غاز مقدم للسنه خلصت في شهر 9 و10  وجت لينا فاتورة الغاز لشهر 11ب 90 جنيه ويعدين يتكلم هيا جايا كتيرليه  وقبلها بكون متغيره حجاير السخان 3 مرات ب 60 جنيه وتيجي برضوا فاتورة المياه في شهر 1 يناير 2018 بمبلغ 300 جنيه . وتدفعها وتلمها منهم بعدين  . او يكون معاك ناس ساكنه متغسلش المواعين او مترميش الزباله ولا عاوزه ترميها وعاملين الشقة كباريه لاي حد من بره والقاعده والتليفزيون والهيصة دي كلها مشاكل واجهتني في سنة اتمني انك متقعش في نفس المشكلة دي وتسكن مع ناس محترمه وتقسموا الحاجات الي هتعملوها بينكوا  وتراعوا بعض 




      انصح انك في خلال اليومين دول تحاول تفتح اي كورس من الكورس الي هتاخدها الترم الاول علشان تكون قوي في المادة , علي الرابط ده كورسات الاستاتيكا والتفاضل والتكامل والكيميا والرسم الهندسي الي هتاخدهم في الشروق

      متنساش انك تدعمنا بعمل متابعة للموقع او ادخال البريد الالكتروني 


      مقالات قد تعجبك 

      شرح بالتفصيل لاهم الاقسام الهندسية بهندسة العاشر من رمضان

      مقالات عن معاهد هندسية اخري علي موقع بريمو هندسة




      حجم الخط
      +
      16
      -
      تباعد السطور
      +
      2
      -