ايهما اقوي خريج كلية هندسة ام معهد هندسة | الفرق بين كليه الهندسه والمعهد العالى الخاص للهندسه | بريمو هندسة

ايهما اقوي خريج كلية هندسة ام معهد هندسة | الفرق بين كليه الهندسه والمعهد العالى الخاص للهندسه | بريمو هندسة - graduate of engineering college or engineering institute? The difference between the Faculty of Engineering and the Higher Institute of Engineering Primo Engineering
معهد هندسي خاص

الفرق بين كليه الهندسه والمعهد العالى الخاص للهندسه


يتسأل الكثير من طلاب الثانوية عن الفرق بين المعهد الهندسي وكلية الهندسة ، يظن البعض انه يوجد فروق تعليمية و اكاديمية او ان احدهما افضل من الاخر ولكن الفرق والمسمي ما هو الا فرق اداري.

يقال معهد:  اذا كان هناك مؤسسة تعليمية واحدة اي هناك معهد للهندسة فقط او معهد للحاسبات فقط او معهد ادارة ، وللعلم كانت كلية هندسة بنها قبل تأسيس جامعة بنها وعمل المزيد من الكليات عبارة عن معهد بنها الهندسي.

تقال اكاديمية: اذا كان هناك مجموعة من المعاهد معا ولكن ينقسها بعض الكليات لكي تكون جامعة مثل اكاديمية الشروق ( تحتوي علي معهد الهندسة والحاسبات واعلام وادارة ونظم المعلومات) اي ان اكاديمية الشروق لكي تكون جامعة يجب ان تقوم بفتح تخصصات اخري مثل الصيدلة او الاسنان او العلاج الطبيعي لكي يقال علي كل معهد فيها اسم كلية ويقال علي الاكاديمية اسم جامعة  ، وهناك مودرن اكاديمي واكاديمية المستقبل .

وتقال في النهاية جامعة وما بداخلها كليات اذا احتوت علي مؤسسات تعليمية من مختلف قسمي علمي  (علوم ورياضة ) وقسم ادبي ، ويكون لها مبني اداري تخضع له باقي الكليات

وللعلم اقوي مؤسسة تعليمية هندسية في العالم هي معهد ماساتشوستس للتكنولوجيا  في امريكا

وبكده في الجزء الاول من المقال نكون تناولنا اهم اسئلة بشمهندسين المستقبل وهي  :

  • الفرق بين المعاهد الخاصة والحكومية ( في مصر كل المعاهد الخاصة تابعة لوزارة التعليم العالي وكل حاجة لازم توافق عليها حتي المصاريف الدراسية الوزارة الي بتحددها ومفيش حاليا معاهد حكومية هندسية اي ان المعاهد نصفها حكومية ونصفها خاص فهي تابعة للتنسيق وليست كالجامعات الخاصة وانت بتدفع مصاريف علشان نقصت كام في الميه ومفيش كما يشاع ان الحد الادني قليل ، فالحد الادني في الخاص اصبح مرتفع)
  • ما الفرق بين الجامعة والمعهد العالى (الجامعة تحتوي علي كليات ام المعهد فهو لا يزال لم يصبح كليه وممكن لو 3 معاهد يكون المسمي اكاديمية)
  • الفرق بين كليه الهندسه والمعهد العالى الخاص للهندسه ( فيه فروق كتيراهمها انك علشان تكون مهندس لازم تجتهد)
  • معاهد تعادل كلية الهندسة (انت بتختار معهد هندسي في البداية علي حسب انت عاوز تدرس تخصص ايه وهل متوافر في المعهد ده ام لا)
  • عيوب معهد الهندسه ( مش كل المعاهد قوية فيه معاهد مستواها ضعيف ومستوي الطلبة فيهم ضعيف والتقديراتتقدر تحصل عليها  بنصف المجهود في المعاهد الاخري القوية


ايهما اقوي خريج كلية هندسة ام معهد


قبل دخول معهد خاص 

في البداية كنت بحكم ان الي دخل خاص او معاهد هندسية ان مستواهم مش قوي او ليه ناس مجتهدة وتيجي في الثانوية العامة وتنقص درجات ومتعرفش تجيب مجموع هندسة ، حتي تعرضت لنفس التجربة ودخلت معهد هندسي وهو (هندسة الشروق قسم كهرباء باور ) قبل سنة الثانوية العامة كنت مصمم وبحلم طول سنوات الدراسة اني ادخل هندسة وكنت من الاوائل حتي جاء تسلط الاهل فقد اراد والدي ان اكون دكتور وان اكون علم علوم ، ولم استطع تغير رايهم مهما حاولت

درست الاحياء والجيولوجيا وخلصت منهجهم في الدروس وكنت حتي شهر 12 منتظم في الدروس واطلب من والدااي ان ادخل علم رياضة ولكن يوم بعد يوم بدات  اكره علم علوم  ، حتي في النهاية رضي والداي بأن احول وادخل رياضة وكنت في شهر 1 يناير وقد انهي زملائي الرياضيات ، لم يوافق اي مدرس علي ان يعطي لي دروس بحجة اني بستهبل وانت ضيعت نفسك وايه الي حصلك وانت جاي دلوقتي وتخيب وان زمايلك الي بيدرسوا من شهر 8 مش عارفين يلموا الرياضة وانت الي هتلمها سخرية واهانة خلال شهر 1 وشهر 2 ، حتي تركت الدروس واعتزلت الجميع واستطعت ان اجيب في النهاية مجموع 91 وكانت الرياضة هي نقطة ضعفي لاول مرة في حياتي واشكر ربنا انه وقف جنبي بعد م الجميع تخلوا عني وكانوا فاكرين هاجل السنة

انا ذكرت القصة دي لسبب ان مش كل الي داخلين معاهد خاصة مستواهم متوسط ، ده رزق من عند ربنا وكل واحد مكتوبله نصيبه

بعد دخول معهد خاص 


في البداية كنت حاسس اني هكون بعد ما اتخرج مليش لازمة ، بس بعد مالاقيت ان الخريجين بيشتغلوا في احسن الشركات في مصر وبيسافروا في شركات مالتينشونال وان فيه خرجين كهرباء واتصالات وعمارة ومدني الشروق مسمعين في اماكن كتير وقدروا يثبتوا نفسهم وان كل طالب هو المسئول عن نجاحه وده كان بفضل ضغط الدكاترة احيانا، وتحميل الطلبة فوق طاقتهم.

وادركت ده مع بداية احتكاكي بطلاب هندسة في التدريبات والكورسات ، كنت لسه في سنة اولي كهربا وباخد دورة محولات وsubstation  و دورة protection  ,ودورة اختبارات محولات وكان معايا طلاب من هندسة حلوان والقاهرة وكان مستواي برغم صغر مستوايا وسني ان محصلهم فكريا ونفس المستوي ، حتي اما كنت باخد دبلومة الكنترول في سنة تانية باور في حسن علي كنت افضل من ناس كتير وبعمل التاسكات وبفكر بالكنترول واعمل تجارب الplc بكل سهولة برغم اجتهادي واما كنت باخد دبلومة الديستربيوشن وعملت مشروع كهربا لمبني اداري وعمل الانظمة المختلفة له في حين ده بيكون مشروع تخرج لطلبة كهربا.

مش هنكر ان فيه طلبة في كليات هندسة كتير مستواها متفوق عن المعاهد ولكن مازال فيه معاهد بتنافس بقوة وبتحصل علي جوائز في مسابقات اقليمية ودولية زي هندسة الشروق وهندسة العاشر بالرغم انها كما يقال انهم معاهد (للعلم ان ان عدد الدفعة في هندسة الشروق بيعدي الاف و200 طالب كل عام)



واجد ان فرص عمل خريجى المعاهد الهندسية ومستقبل خريج معهد الهندسة  لا تعتمد علي المكان في المقام الاول ولكن علي مستوي الطالب ايضا ، وهناك معاهد قد يرسب فيها الطالب بالاكثر من 5 سنوات اذا لم يزاكر ويجتهد  ويواكب المسيرة التعليمية ، الجميع في النهاية بيشتغل ولكن هتفرق بين مهندس هيتخرج ويقبض ب 8000 جنيه ومهندس لسه هياخد ب 2000 ج او اقل وده برضو علي حسب مستواك ، وللاسف الشباب الصغير بيكون مش مدرك النقطة دي يعني في مرة قابلني طالب في ثانوي وداخل هندسة حلوان وزمايله هيدخلوا هندسة عين شمس وفاكر ان عين شمس افضل وان حلوان اي كلام وان القاهرة مستواها ضعيف من غير ما يدخل اصلا كليه هندسة .



بعد التخرج من هندسة 

بعد التخرج مفيش حد بيتكلم انت خريج ايه اصلا ، المهم انت مستواك ايه ، عندك خبره ايه اشتغلت فين ، مسكت مشاريع ايه ، وانهي المقال بكلمة لبشمهندس حكومي في سوق العمل


انا خريج جامعه حكوميه وشغال بقالي 13 سنه وكنت ف الاول واخد موقف من خريجي المعاهد العليا والجامعات الخاصه وبعتبرهم دخلاء او ما ينفعوش ولكن من احتكاكي بكتير منهم في الحياة العمليه لقيت فيهم مهندسين مستواهم اقوى بكتير من مهندسين خريجي جامعات حكوميه

يبقى المقياس الشاب نفسه لو عنده استعداد كويس انه يتعلم ويكون حاجه مفيده هيبقى مهندس كويس سواء من جامعه حكوميه او خاصه ولو معندوش استعداد وعايز يقضيها ورق وشهادات وخلاص هيبقى سئ جدا حتى لو متخرج من اعرق جامعه في مصر
نقطه صغيره تانيه المفروض الحكومه والمجتمع الاتنين يشجعوا الجامعات الخاصه والتعليم الخاص عموما علشان هوا ده الي هيكون عنده نقطة البدايه لاصلاح منظومة التعليم في مصر اللي هيا واقعه تماما سواء حكومه او خاص

اقرأ ايضا:



حجم الخط
+
16
-
تباعد السطور
+
2
-