شرح ميكانيكا المواد pdf (مزكرة المراجعة-حل الكويز والميدترم-تلخيص شابتر 2و3و6 -حل امتحان فاينل 2016-2017 اولي باور هندسة الشروق

شرح ميكانيكا المواد pdf -mechanic of material


ميكانيكا المواد (مزكرة المراجعة-حل الكويز والميدترم-تلخيص شابتر 2و3و6 -حل امتحان فاينل 2016-2017  فرقة اولي باور هندسة الشروق- 
Mechanics of materials (review book - the solution of the Quiz and the Midterm exam - Summarize ch2, 3,6 - Final exam final 2016-2017 1st Power Engineering Shorouk Elshrouk academy2017-2018


المقال هيتناول 3 اجزاء :
  1.  المنهج الي علينا وازاي تزاكر مادة ميكانيكا المواد لامتحان الفاينل
  2. مزكرة المراجعة وحل امتحانات وميدترم وتلخيصات
  3. فيديوهات المراجعة كاملة               

ازاي تزاكر ميكانيكا المواد Mechanic of materials

المقرر علينا Chapter 1-2-3-5-6
اولا المنهج بسيط ومش كبير والله .

انت حاسس انه كبير قدامك فانت مش عارفله عدله من اخره مش عارف تبدا باي شابتر .وكل شويه تبدا بجزا وتقنع نفسك انك مش فاهم حاجة فتسيب المادة .تلف شويه في الشقة .تروح تعمل كوباية شاي.بحجة انك تظبط المود.حاسس بضغط غريب .مش عارف تتنفس عمال تقول لنفسك مفيش وقت يارتني كنت زاكرت.لو حسيت باي حاجة من دول فحلك عندي وان شاء الله هتنجح في المادة الموضوع بس محتاج شويه ترتيب وهتظبط الفاينل ان شاء الله.وهتفتكر كلامي ده بعدين.

 الفاينل هيكون عبارة عن مسائل زي الي موجودة في  شابتر 2 و3 و5 و6 .ايوه صحيح احنا علينا 4 شباتر وشابتر 3 من اهم اللي عندنا هو و6 و5 ودول اساسي ف الامتحان علشان اتشرحوا بعد الميدترم



  • _الشابتر الاول: ده عامل زي مقدمة لوبزاكر والفاينل فاضل عليه كام يوم فمتفتحهوش مش جاي منه حاجة اما بقا لو من اول السنة فالشابتر ده عامل زي مقدمة  بيمهد لفصول المنهج كله 

  • _الشابتر التاني :عبارة عن عشرين مساله دول اهم حاجة فيه متقسمين للجزء الاول 9 امثلة علي الاجهاد والانفعال واجهاد القص ومعامل المرونة ومعامل الصلابة  وجزء الاخر وهوا مسائل thermal stressesو دي١١مثال بتدور علي انك لو جبت بار من المعدن وثبته مثلا بين جدار وسخنته ----هيحصلة استطالة -فممكن يكسر الجدار --لو الجدار قوي جدا او فيه جزي حر والناحية التانية جدار هيحصل استطالة واجهادات حرارية

  • _الشابتر التالت :وده منفصل عن شابتر 2 ومفيش اي ترابط بينهم يعني لو بدات بيه هيكون احسن ليك .الموضوع اننا هيجيب عينة وعملها اختبار شد ومديك جدول فيه قيم الحمل والاستطالة وانت من الجدول ده هتجيب جدول تاني فيه قيم الاجهاد والانفعال وبعد كده هترسم الرسمه  ومن الرسم هتجيب شوية مطاليب زي جد المرونة وحد التناسب ونقطة الخضوع العليا ونقطة الخضوع السفلي واقصي نقطة هيصل ليها ونقطة الكسروده عبارة عن اربع امثله رسم هتحلهم بايدك وبكده تكون ضمنت 14 درجة من الفاينل 

  • _الشابتر الخامس عبارة عن ١١مثال محلول وكل مثال فيه فكرة مختلفة عن التانية  ومن الامثلة المهم الي متوقع يجيب الدكتور منها زي 1و10و11 و9 علشان حلهم في المحاضره .ممكن تكون اول مره تشوفهم بس عادي كل الحكاية ان الشابتر ده عامل زي شابتر 2 بس هناك كنا بنعمل شد اما هنا فبنعمل torsion . وفيه كام فكرة زي لو قلك ان ممكن يقول العمود الي جوا حصله yield -او ان فيه gap  بشوف مين الاطول وهو ده الي هيتحط في الشمال في المعادلة 

  • _الشابتر السادس  والي تقريبا الاغلبية  بيشوفه لاول  علشان الدكتور كروته مع اخر شابتر خمسه بيتكلم عن خاصية ميكانيكية جديدة الا وهي تعب المعادن نتيجة تكرار الحمل عليه ومفيش علينا غير مثالين غلابه رسم وعامل زي شابتر 3 الي كنا بنرسم فيه بس الفرق هنا مثلا زي ما في مثال واحد ان فيه كذا عينة واجرينا عليهم اختبار تعب العينة fatigue بعكس شابتر 3 الي كان فيه عينة واحده .وفيه فكرة علي مثال 2 ان لو كتب pulsating load ومدي اكبر قيمة لسيجما يبقي اقل قيمة لسيجما =0



مزكرة المراجعة وحل امتحانات وميدترم وتلخيصات لشرح ميكانيكا المواد pdf


ورق المراجعة ميكانيكا المواد اللي نزل ف كولكشن وفيه حل امتحان فاينل 2017وحل امتحان فاينل 2018


الحل النموذجي لكويز الميكانيكا احتمال مسائل تجي منه بالنص في الفاينل


تلخيص شابتر 2 وشابتر 3 ميكانيكا المواد للقوانين واهم التعريفات الي موجودة في كتاب الدكتور علي الحديدي 2018

تلخيص شابتر 3وشابتر 6 ميكانيكا المواد لاهم القوانين والتعريفات والرسومات وطرق حل المسائل


فيديوهات المراجعة كاملة لمادة ميكانيكا المواد بهندسة الشروق



شير علشان الدفعة كلها تستفيد ولا تنسوني بالدعاء بالنجاح والفلاح في الحياه وان ربنا يوفقنا جميعا فانا في امس الحاجة اليه



حجم الخط
+
16
-
تباعد السطور
+
2
-