حسبي الله ونعم الوكيل في دكتور سعد الي معندهوش رحمه (دكتور العظام بمستشفي بنها الجامعي ) حال المستشفيات الحكومية

حسبي الله ونعم الوكيل في دكتور سعد الي معندهوش رحمه (دكتور العظام بمستشفي بنها الجامعي ) حال المستشفيات الحكومية - جامعة بنها مستشفيات بنها الجامعية

 انا كنت في مستشفي بنها الجامعي وكان معانا واحد صاحبنا عامل حادثة ومفيش حد يسعفه في الاستقبال وخد بنج العصرية يجي الساعه 3 وفاق من البنج متاخر ولسه مكنش اتعامله العمليه وعملنا التحاليل خارج المستشفي كلها نروح ونجري احنا نعمله الاشعه  ونجيب التزكرة الي هندخل بيها غرفة العمليات ندور علي ممرضة تشوف المريض والناس في كل حته مصابين ومحتوتين علي جنب لغيه ما يجي دورهم .نستني شويه وعمالين يمرمطوا فينا . وانزل تحت هات كذا ونطلع الدور السابع (الي فيه قسم العظام ) يجي 3 مرات والمصاب معانا وفاق من البنج وبيتالم  هيستحمل ازاي وجع الحادثة وهوا صاحي .


 الوقت اتاخر ومستنين دورنا اانا ندخل غرفة العمليات  ونسالهم هندخل امتي احنا هنا من بدري   وبعدين دخل غرفة العمليات ممرض يخرج ..نقوله عامل ايه دلوقتي .. يقولنا الدكتور هيعمله العمليه اهو  نستني احنا وبعدين ممرضه تخرج .. نقولها محمد عامل ايه العمليه اتعملت ... تقولنا لا لسه معملنهوش حاجه الدكتور بياكل دلوقتي  .. نستني وبعدين في الاخر ممرض يخرج .. نساله فيقولنا  مفيش مسامير... نقولهم هنشتري المسامير واي حاجه علي حسابنا بس الدكتور يعمل العمليه .ودكتور العظام الي اسمه سعد قال مش عامله العمليه النهاردة مفيش مسامير في المستشفي . يققلوا الاوضة بتاع العمليات ولا يعرفونا علي اي حاجه 


 شويه والممرضة خرجت فبنسالها  وتقولنا احنا هنفتره ومش هنعمله العمليه والدكتورسعد بتاع العظام  يقولنا  جهاز الصيانة بايز  . والدكتور يزهق علينا ويمرمطنا وصورنا الي حصل وزهق وبلطجة الدكتور سعد علينا وتجاوزه معانا  اول ما عرف اننا صورنا قفل غرفة العمليات في وشنا ودخل ومش عاوزين يردوا يقوللنا المريض ماله او يخرجولنا المريض نجري بيه علي اي مستشفي خاصة ( لو كنا نعرف انها مستشفي زباله مكناش سبناه فيها لحظه)  وطلبلنا الامن وهيلبسونا قضايا وبيقولوا ممنوع التصوير ودي فيها سجن 5 سنين وحجزوا المريض لغيه منمضي علي محضرين واحد  بتسليم الفيديو وصلح مع الدكتور ومحضر تاني اننا هنكون مسؤلين عن المصاب بعد خروجه من المستشفي. طب الممرضين والدكاترة يقولوا في الاخر انه مبيجلهمش دعم والمستشفي مفيهاش حاجه دي مسؤليه مين ولا هما بيداروا خطائهم .وجهاز الصيانة الي الدكتور رجع وقال ان الفني هيجي الاسبوع الجاي يصلحوا من الشركة . دي مسؤليه مين ان مستشفي كبيره جهاز المسامير او المعدات منعدمه . او ان الدكتور هيعملها بره في مستشفي خاصة في مستشفي خاصة . ده برضوا ازاي .او ان دكتور سعد استاذ جامعي وكل همه سمعته ,انا كنت بحترم الدكاترة الجامعيين بس الايام اثبتت انهم بشر مش مليكة من السماء 


والامن الي المفروض ياخد حقنا بعد ماشافوا الفيديوا  ومصيبه الدكتور فيه وتطاوله اجبرنا نمسح الفيديوا علشان نخرج من المستشفي. والدكتور بكل بجاحه يقول  اهوا انتوا شوفتوا الفيديوا اهوا لو اتسرب عارفين هتجيبوا مين  . يوم كامل عمالين يمرمطوا فينا والاجهزه بايظه والمصاب يفوق من البنج ورجله مدمره من الحادثة . والظابط بيهددني بيقولي احمد ربنا انك متسجنتش علي الفيديو ده معرفش الناس دي بتعرف تنام ازاي . اطرينا اننا نمضي علي المحضر وناخده علي اي مستشفي خاصة يتعالج  وحسبي الله ونعم الوكيل في الدكتور والامن ومستشفي  بنها الجامعي 



حجم الخط
+
16
-
تباعد السطور
+
2
-